БИШКЕК, 11-окт. — Sputnik. Кыргызстандыктар ноябрь айында беш күн катары менен эс алат. Бул тууралуу Эмгек жана социалдык өнүгүү министрлигинен кабарлашты.
3 Тогуздун айы 2018, 16:00
Ведомстводон билдиришкендей, кыргызстандыктар Сапар Исаков 28-феварлда кол койгон токтомдун негизинде эс алышат.
Ага ылайык, 7-8-9-10-11-ноябрь күндөрү дем алыш болуп эсептелет.
Эске салсак, 7-8-ноябрь Тарых жана ата-бабаларды эскерүү күнү катары жарыяланган. 9-ноябрь (жума) дагы дем алыш күн болот, бирок кыргызстандыктар ал күндү 3-ноябрь (ишемби) күнү иштеп берет. 10-11-ноябрь ишемби жана жекшембиге туура келет.
