Бүгүн Ош шаарынын күнүн майрамдоо учурунда биринчи биринчи вице-мэр Сайибжан Турдуев менен вице-мэр Асылбек Топчубаев кол күрөштүрүп жаткан видеосун мэриянын маалымат кызматынын жетекчиси Азамат Абсаттаров Facebook баракчасына жарыялады.
Видеодо вице-мэрлер эл алдында кол күрөштүрүп жатканын, Топчубаев Турдуевди жеңип алганын көрүүгө болот.
"Ош шаарынын борбордук аянтында майрамдык иш-чара болуп, спорттук мелдештер дагы өтүп жаткан. Эки вице-мэр келе жатып эле кол көрүштүрүп көрөлү деп калышты. Бул нерсе алдын ала пландалган эмес", — деди Абсаттаров.
Кыргызстандын экинчи борбору болгон Ош калаасы бүгүн, 5-октябрда, өз күнүн белгилеп жатат. Ордолуу Ош тууралуу кызыктуу 10 фактыны окуп алыңыз.
