БИШКЕК, 17-сен. — Sputnik. Биринчи вице-премьер Кубатбек Боронов өкмөттүн аппарат жетекчиси-министри кызматына Шамилбек Асымбековду, юстиция министрлигине Марат Жаманкуловду, Өнѳр жай, энергетика жана жер казынасын пайдалануу мамлекеттик комитетинин тѳрагалыгына Эмил Осмонбетовду билими, тажрыйбасы жогорку болгондуктан өкмөт комитеттин кароосуна алып келип жатканын айтты.
Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана парламенттин регламенти комитети жогорудагы кызмат орундарга сунушталып жаткан талапкерлерди колдоп берди.
Белгилей кетсек, өкмөттүн мурдагы аппарат жетекчиси Мурат Мукамбетов 8-августта кызматынан кетип, ошондон бери бул орун бош турган. Ал эми Өнөр жай, энергетика жана жер казынасын пайдалануу боюнча мамлекеттик комитетинин мурдагы төрагасы Уланбек Рыскулов 7-сентябрда кызматтан бошотулган. Мурдагы юстиция министри Айнур Абдылдаева 7-августта кызматынан алынган.
