Теннисчи Серена Уильямс калыс менен айтышканы үчүн 17 миң доллар айыпка жыгылды

© REUTERS / Danielle Parhizkaran-USA TODAY SPORTS / File PhotoТеннисистка Серена Уильямс
Теннисистка Серена Уильямс - Sputnik Кыргызстан
Жазылуу
9-сентябрда болгон мелдеште Серена Уильямс япониялык Наоми Осака менен беттешип, утулуп калган.

БИШКЕК, 10-сен. — Sputnik. Америкалык теннисчи Серена Уильямс 9-сентябрда АКШнын ачык чемпионатынын финалында калыска шек келтиргени үчүн 17 миң доллар айыпка жыгылды.

Ремень чемпиона UFC во время пресс-конференции в Лас-Вегасе - Sputnik Кыргызстан
ЖМК: Шевченконун каршылашы чемпиондук курунан айрылды. Дана Уайттын билдирүүсү
Reuters маалымат агенттигинин жазышынча, калыстар департаменти спортчуну калыс менен айтышканы үчүн 10 миң доллар, машыктыруучусунун ымдап жардам бергени үчүн 4 миң доллар жана ракетканы сындырганы үчүн 3 миң доллар айып салган.

Белгилей кетсек, АКШнын ачык чемпионатынын финалында америкалык 36 жаштагы Серена Уильямс япониялык 20 жаштагы Наоми Осакага 6:2, 6:4 эсебинде утулуп калган. Оюн учурунда Серена машыктыруучусу Патрик Муратоглудан жаңсоо иретинде үчүнчү жолу жардам алганы үчүн эскертүү алып бир геймден куру жалак калган. Бирок спортчу эч кандай жардам албаганын айтып, калыс менен үнүн өктөм чыгарып айтыша кеткендиктен дагы бир геймден кол жууган.

"Сен менден кечирим сурашың керек. Сен калпычысың жана уурусуң. Мен өмүрүмдө бир да жолу алдаган эмесмин. Менин кызым бар, ал үчүн мен бардык туура болгон нерселерди коргойм", — деген спортчу калыска.

Уильямс ошондой эле ал аял болгону үчүн оюндун калысы ага атайылап ушундай мамиле кылып жатканын айтууга үлгүргөн.

Теннистеги эң маанилүү мелдештердин бири болгон АКШнын ачык чемпионатында Серена Уильямс менен Наоми Осака 1 маат 19 мүнөт ойношкон.

Жаңылыктар түрмөгү
0