Ысык-Көлдүн Бактуу-Долоноту айылы таза суу менен камсыздалат

© пресс-служба мэрии города БишкекНехватка питьевой воды в новостройках"Арча-Бешик" и "Ак-Ордо"
Нехватка питьевой воды в новостройкахАрча-Бешик и Ак-Ордо - Sputnik Кыргызстан
Жазылуу
Тиешелүү документке премьер-министр Мухаммедкалый Абылгазиев кол койгон.

БИШКЕК, 25-авг. — Sputnik. Бактуу-Долоноту айылынын жашоочулары ичүүчү таза суу менен камсыздалат. Бул туурасында өкмөттүн маалымат кызматы билдирди.

Тиешелүү чечимге премьер-министр Мухаммедкалый Абылгазиев кол койгон. Ысык-Көл районунун Бактуу-Долоноту айылында жайгашкан эки скважина муниципалдык менчикке өткөрүп берилген.

"Бактуу-Долоноту айылынын калкынын санынын өсүүсүн эске алуу менен ал жердеги ат майдандын батыш тарабында жана Дене тарбия, ден соолукту чыңдоо комплексинин аймагында жайгашкан эки скважина мамлекеттик менчикке өткөрүлөт. Жергиликтүү өз алдынча башкаруу органдары көрсөтүлгөн скважиналарды камсыздоо жана мындан ары тейлөө үчүн бардык мүмкүнчүлүктөргө ээ", — деп айтылат маалыматта.

Өкмөттөн билдиргендей 2004-жылы "Айылдарды суу менен камсыздоо жана санитария" долбоорунун алкагында Дүйнөлүк банк Бактуу-Долоноту айылын ичүүчү таза суу менен камсыздоо программасын ишке ашырган. Анын жыйынтыгы менен 2 460 адам таза менен камсыздалаары кабарланган.

Белгилей кетсек, бүгүнкү күндө Бактуу-Долоноту айылында 5084 киши жашайт.

Жаңылыктар түрмөгү
0