Эскерте кетсек, Бишкек шаардык ички иштер башкармалыгы жай жарандар арасынан жол кыймылын көзөмөлдөө үчүн кызматкерлерди жумушка аларын билдирген. Жол инспектору болом дегендер 30 жашка чейин болушу керек. Мындан тышкары, армияга барып келген жана бою 170 сантиметрден кыска болбошу кажет деген шарты бар.
Sputnik Кыргызстан агенттигинин кабарчысы жаштайынан жол инспектору болууну максат кылып, акыры тилегине жеткен Азизбек Ысманов менен маек курду.
— Кайсы кесипке ээсиз?
— Ош техникалык университетинин автомобилдик техника факультетин 2017-жылы аяктагам. Кесибим боюнча жолчумун.
— Окууну бүткөндөн кийин жумуш издедиңизби? Эмнеге жол кыймылы коопсуздугун камсыздоо кызматкери болууга аракет кылдыңыз?
— Жогорку окуу жайды өткөн жылы аяктап, диплом колума жакында эле тийди. Ошондон улам жумуш издей элек болчумун. Интернеттен күч түзүмдөрүнө кызматкерлер кабыл алынып жатканын окуп сынакка катышып калдым. Негизи мектепти бүткөндө эле Ички иштер министрлигинин алдындагы академияга тапшырам деп жүргөм, бирок шартка байланыштуу окубай калдым. Бирок үмүт үзбөй жүргөм.
— Сынак жөнүндө сөз кылсак, катышкандар арасында атаандаштык күчтүү болдубу?
— Бул кабарды жакын туугандар, тааныштар укканда кандай кабыл алды?
— Үй-бүлөм, туугандарым сүйүнүштү. Ал эми тааныштарым "кайсы тууганың киргизди, канча акча бердиң" деп ишенбей жатып араң ынанышты. Чынын айтсам, бир сом дагы берген жокмун. Анткени менин атам, апам тарапта буга чейин күч түзүмдөрүндө иштеген адам жок болгон. Баары эле башка тармактарда эмгектенгендер.
— Кабыл алуу коммисиясынын курамында кимдер болду?
— Сынак ачык, мыйзам бузуусуз өттү деп толук айта алам. Билимибизди жана спорттук даярдыгыбызды текшерген эки комиссия кабыл алды. Тест тапшыруу маалында камерага тартылып, көп жыл укук коргоо органында иштеген тажрыйбалуу адамдардын сынынан өттүк.
— Жыйынтык белгилүү экен да, качан кызматка киришесиз?
— Кыска мөөнөттүк окуудан өтүп юридикалык билимди жакшыртып, тапанча көтөрүүнү үйрөнөбүз. Андан соң гана форма кийип ишке киришебиз.
— Сөзсүз ар бир кесиптин кыйынчылыгы болот. Ага билек түрө даяр турасызбы?
— Айлык маянаңыз канча экен?
— Ошону азыр бизге айта элек. Негизи Кыргызстанда орточо айлык 10-15 миң сомдой эмеспи. Ошондой эле болуш керек деп ойлоп жатам.
— Буюрса борбор калаада иштеп калат экенсиз. Бул жакта батирде жашап, үй-бүлөңүздү камсыздоодо кыйналып кабайсызбы?
— Буга чейин Москвага чейин каттап, Бишкек — Ош жолунда таксист болуп жети жыл иштедим. Ошол убакыт аралыгында Оштогу айылга мал топтоп, жакындарыбыз менен дыйканчылык кылдык. Кудай буюрса жок эмес. Тиричилик көрүп, батирде үй-бүлөм менен жашайм. Тапканым адал болсо эле баарына жетет.
— Негизи жөнөкөй жарандар арасынан жол кыймылы коопсуздугун камсыздоого жумушка алуу туура элеби? Жыйынтыгы кандай болот деп ойлойсуз?
