Калифорнияда (АКШ) 17 ири токойдо өрт чыгып, анын кесепетинен алты адам көз жуумп, дагы жетөө дайынсыз болууда. Аталган штатта өзгөчө кырдаал жарыяланды.
Бишкек шаардык кеңешинин депутаттары 8-августта Азиз Суракматовду борбор калаанын 14-мэри кылып шайлады.
Испаниянын 40 провинциясында аба температурасынын кескин көтөрүлүп кеткенине байланыштуу коркунучтун эң жогорку чеги белгиленди.
9-августта Бишкек эт комбинатында өрт чыгып, тилсиз жоо беш миң чарчы метрдей жерди жалмаган.
Лондондо жайкы спорттун түрлөрү боюнча Европа чемпионаты болуп өттү.
Индонезиянын Ломбок аралында болгон ири жер титирөөдөн 387 адам мерт кетип, 13 миңден ашык жаран жабыркады. Жаратылыш кырсыгы катталган жерден 400 миңдей тургунду өз турак жайларын таштап кетүүгө аргасыз кылды.
Аргентинанын Буэнос-Айрес шаарында митинг болду өттү. Нааразы болгондор өлкөнүн сенаты келиндерди курсактагы баласын 14 жумага жеткирбей аборт кылдырууга тыюу салган чечимине каршы чыгышты.
