Джамангулов: сумо күрөшүн аймактарга жайылтууну көздөп жатабыз
Сумо күрөшүн аймактарга жайылтууну көздөп жатабыз. Бул тууралуу Эмиль Джамангулов Sputnik Кыргызстан радиосунун таңкы эфиринде маек куруп жатып билдирди.
Анын айтымында, бүгүнкү кезде аталган спорттун түрү Ысык-Көл, Чүй облустарында жана Бишкек шаарында жетиштүү деңгээлде өз ордун таап, өнүгүү жолуна түшкөн.
"Сумо күрөшүн эми аймактарга жайылтууну максат кылып жатабыз. Жыл аягында республикалык чемпионат Жалал-Абад шаарында өтөт. Азыр камылга көрүп баштадык. Мындай иш-чара менен башка облустардын балбандарын шыктандырып, сумо сүйүүчүлөрүнүн санын жогорулата алабыз", — деди вице-президент.
Джамангулов ушул тапта кесипкөй сумочулар ДКОго даярданып жатканын кошумчалады.
