Telegram жанданды. Мессенджер Кыргызстанда иштей баштады

© REUTERS / Dado Ruvic / Illustration / File PhotoСбои в мессенджере Telegram
Сбои в мессенджере Telegram - Sputnik Кыргызстан
Жазылуу
Мессенджер 29-апрелге караган түнү иштебей калган.

БИШКЕК, 29-апр. — Sputnik. Telegram мессенджеринин бир нече саат бою иштебей калышына Амстердам шаарында массалык түрдө электр жарыгынын өчүрүлүшү себеп болгон. Бул тууралуу сервис өзүнүн Twitter тармагындагы расмий баракчасына жарыялады. 

Байланыш каражатынын өкүлдөрү мессенджердин иши аз-аздан калыбына келе баштаганын айтканы менен качан толук кандуу иштеп калаарын так билдиришкен жок.

"Амстердам шаарынын тегерек-четинде электр жарыгы өчүрүлүп, сервиске анын кедергиси тийди. Азыр электр кубаты берилип, мессенджердин иши да акырындык менен калыбына келтирилип жатат. Ушул тапта ага  Европа, Жакынкы чыгыш, Россия жана КМШ өлкөлөрүнүн колдонуучулары толугу менен кошула албай жатат. Ал үчүн колдонуучулардан кечирим сурап, оңдоо иштери боюнча маалымат берип турабыз", — деп айтылат компаниянын билдирүүсүндө.

Эске салсак, 29-апрелге караган түнү Telegram мессенджери дүйнө жүзү боюнча иштебей калган.

Жаңылыктар түрмөгү
0