БИШКЕК, 29-апр. — Sputnik. Учурда Telegram мессенджери дүйнө жүзү боюнча, анын ичинде Кыргызстанда дагы иштебей жатат.
Бул тууралуу Telegram байланыш тиркемесинин негиздөөчүсү Павел Дуров дагы өзүнүн Twitter-каналына жазды.
"Серверлер катуу ысып кеткендиктен, мессенджердин иши үзгүлтүккө учурады. Ыңгайсыздыктар үчүн кечирим сурайм", — деп жазды Дуров.
Бул туурасында кыргызстандыктар да жазып, себебин билбей жаткандыктарын социалдык тармакка жазышты.
Ошондой эле ал ушул тапта көйгөйдү чечүү үчүн адистер иштеп жатканын кошумчалады.
