БИШКЕК, 26-апр. — Sputnik. Ош шаарында көп кабаттуу үйдөн чыккан өрт учурунда 5-кабаттан кулаган аялдын туугандары табылбай жатат. Бул туурасында Ош ШИИБдин маалымат кызматы билдирди.
Эске сала кетсек, 24-апрелге караган түнү саат 01.00дөр чамасында калаанын Жим көчөсүндөгү 12 кабат үйдө өрт чыгып, алгач 5-кабаттагы №22 жана №23 батирлерде башталганы айтылган. Анын кесепетинен алты киши жабыркап, ооруканага жеткирилген. Өрттөн качкандардын экөө терезеден кулап кеткен. Алардын бири эркек киши, экинчиси 25-30 жаштагы аял экени белгилүү болгон.
Ош ШИИБдин нөөмөт бөлүмүнө 03222 4-82-82, 0550 506000 же 102 номерлери аркылуу кабарласаңыздар болот.
ӨКМдин Ош шаардык бөлүмүнүн жетекчиси Нурлан Баймуратовдун айтымында, кырсык болгон маалда куткаруучулар 30 кишини эвакуациялоого жетишкен.
