Нарколог: түнкү клубдан башы чыкпаган кыздар ичкиликке берилип кетүүдө

© Sputnik / Табылды КадырбековРеспубликалык наркология борборунун дарыгери Венера Жанузакова
Республикалык наркология борборунун дарыгери Венера Жанузакова - Sputnik Кыргызстан
Жазылуу
Кыздар 14-15 жашка толгондо эле ичимдиктин даамын татып көрүшүүдө

БИШКЕК, 11-апр. — Sputnik. Кыргызстанда окуучу кыздар арасында ичимдикке берилгендер көбөйүүдө. Бул тууралуу Республикалык наркология борборунун дарыгери Венера Жанузакова Sputnik Кыргызстан агенттигинде өткөн маалымат жыйын учурунда билдирди.

Анын айтымында, кыздар 14-15 жашка толгондо эле ичимдиктин даамын татып көрүшүүдө.

"Кыздар эч нерседен тартынбай, эркин болгулары келет. 14-15ке толгондо ичимдиктин даамын татып, кийин берилип кетип жатышат. Учурда жаштар эрте жетилип жаткандыктан, сыртынан курагын так айта албайсың. Чоң эле адам экен десең, өспүрүм болуп чыгат", — деди нарколог.

Международная выставка продуктов питания Продэкспо-2015 - Sputnik Кыргызстан
Кыргызстанда аракечтик көп учураган облустар аталды
Ал ошондой эле көпчүлүк учурда кыздар ичимдикти клуб менен кафелерге барганда татып көрүшөрүн белгиледи.

"Кафеге кирсең жаш кыздардын ичип отурганын көрөсүң. Алгач жеңил коктейлдерден башталат. Кийин андан күчтүүсүнө өтүшөт. Ошентип акырындык менен көз карандылык пайда болот. Бизге андай кыздарды туугандары, достору, күйөөлөрү же курбулары алып келет", — деди ал.

Иш-чара Sputnik Кыргызстан агенттигинин мультимедиалык маалымат борборунда өттү.

Жаңылыктар түрмөгү
0