БИШКЕК, 19-мар. — Sputnik. Cirque du Soleil аттуу цирктин акробаты Янн Арно Флорида штатында өнөрүн тартуулап жатып, бийиктиктен кулап каза болду. Бул тууралуу Reuters агенттиги кабарлады.
Басылманын маалыматына ылайык, каргашалуу окуя ишемби күнү Тампа шаарында катталган. Анда цирк өнөрпоздору жергиликтүү тургундарга VOLTA шоу-программасын тартуулап жаткан.
VIDEO: En pleno acto, Yann Arnaud (38), artista acróbata del Cirque du Soleil, cayó desde unos 4 metros de altura al escenario durante el espectáculo en Tampa, Florida. Aunque recibió atención medica, no resistió y falleció mientras era trasladado al hospital. pic.twitter.com/WKdoZcMmwI
— Rafael Duran (@rafaelduran_) March 19, 2018
38 жаштагы акробат шакектер менен оор ыкманы жасап жатып, бийиктиктен кулап түшкөн. Катуу жараат алган өнөроз ооруканадан көз жумган.
Циркте эмнелер гана болбойт. Белоруссиянын Гомель шаарындагы цирктен да аба гимнасты Юлия Тикаева 4 метрлик бийиктиктен жерге кулап түшүп, оор абалда ооруканага жаткырылган.
