"Кыргызстан" фракциясынын депутаты Алмазбек Эргешов парламенттин 80 жылдыгына арналган ири салтанат өткөрүүнү сунуштады. Бул тууралуу ал ЖКнын жыйынында айтты. Эл өкүлү мындай иш-чара Жогорку Кеңештин кадыр-баркы кыйла жогорулатат деген пикирде.
Демилге социалдык тармакты бир топ чууга салды. Sputnik агенттиги депутаттын өзү менен байланышып, сөзүн угууга аракет кылды.
— Бул сиздин жеке демилгеңизби же депутаттардын тобу алып чыгып жатабы?
— Чыгымдарды эсептеп чыктыңызбы?
— Мен той же ушул сыяктуу нерселерди айтканым жок. Жеке пикиримде илимий-практикалык конференцияларды өткөрүп, китеп чыгарып, парламенттин иши, кандай адамдар иштегени тууралуу тасма тартуу керек. Бирок иш-чаралардын так планы азырынча жок.
— Кесиптештериңиз кандай кабыл алды?
— Туура эле кабыл алышты. Маалымат майданында кайчы пикир байкалып жүрөт. Соцтармактагылар азыркы парламенттин ишине нааразы. Жогорку Кеңештин реалдуу ишмердүүлүгү менен кабардар кылуу үчүн журналисттер менен иштөө зарыл.
— Быйыл Бишкектин 140, Чыңгыз Айтматовдун 90 жылдыгы белгиленет. Парламенттин мааракеси мамелкеттик бюджетке ашыкча күч келтирет деп кооптонбойсузбу?
— Эгер демилге парламент тарабынан колдоо таппаса иш-чараны өзүңүз өткөрө аласызбы?
— Бул туурасында ойлонгон эмесмин… Негизи мамлекеттик бийлик бутагынын мааракеси жеке тараптын өткөрүүсү туура эмес.
— Борбор эле сунуш колдоого алынбай калса, кесиптештериңиз менен ошол эле илимий-практикалык конференцияларды уюштура аласызбы?
— Ойлонуп көрөбүз, жыл жаңы эле башталбадыбы. Убакыт бар.
Эске салсак, Эргешовдун кесиптеши депутат Дастан Бекешев соцтармактагыларга көз салып, негизсиз сын айткандарга айып салууну сунуштаган.
