БИШКЕК, 22-дек. — Sputnik. АКШнын Каржы министрлиги Өзбекстандын мурдагы президенти Ислам Каримовдун кызы Гүлнара Каримовага каршы санкция жарыялады. Бул тууралуу Sputnik Өзбекстан агенттиги жазды.
Каримовага карата сакциялар “Магнитский актысынын” алкагында ишке ашты. Ага адам укуктарын бузууга жана коррупцияга аралашкан жарандар кирет. Алар АКШнын аймагына кире албай калат дагы бул өлкөдөгү бардык активдери камакка алынат.
Америкалык каржы органынын маалыматы боюнча Гүлнара Каримова мамлекеттик ресурсту пайдаланып, коррупциялык иштерди колго алган.
Өзбекстандын Башкы прокуратурасы 2017-жылдын июль айында Каримовага кылмыш ишин козгогонун, анын мамлекетке келтирген чыгымы 1,2 триллион сум, 1,6 миллиард доллар жана 26,1 миллион еврону түзгөнүн билдирген.
