БИШКЕК, 16-дек. — Sputnik. Осло шаарында Зеро аттуу мышык кокустан кир жуугуч машинага түшүп калып, 40 мүнөт "жууп-тазаланган". Бул туурасында РИА Новости норвегиялык NRK сайтына шилтеме кылып жазды.
Үйдүн ээси кир жуугуч машинадагы кийимдердин бир бөлүгүн алып чыгып жатканда, мышык анын ичине кирип кеткен… Кир жуулган соң, аны жаялы деп камынган үйдүн 14 жаштагы баласы Йоаким машинадан кебетеси аянычтуу болгон мышыгын кошо алып чыккан.
Cat got into washing machine — survived the 40 min wool program https://t.co/1BXxMp1DpU
— Trending Shed (@trendingshed) 14 декабря 2017 г.
"Шөлбүрөп суу болуптур. Жүнү буттарына жармашып калгандыктан, адаттагыдан абдан арык көрүндү. Жерге койсом теңселип баса албайт, анан куса баштады", — деп айтып берген бала.
Мышыкты ветеринарга алып барып, асма ийне салып, эки күндөн кийин үйгө алып келишкен.
Ветеринар Вибек Рутвельт алды кийин мындай жагдайды кезиктирбегендигин айткан.
Азыр мышык мурункусундай эле оюкараак, тың жана сезгич.
"Ал азыр самын жыттанып чуркап жүрөт", — деген Йоаким.
Бала бул окуяны башкаларга сабак болсун деген маанайда айтып берип, эми үйдөгүлөр кирди машинага салаарда текшерип калышканын кошумчалады.
