БИШКЕК, 15-дек. — Sputnik. Баткен облусунун Кара-Булак айылындагы Мыктым-Гөр деген жерге көмүлгөн Тарых музейиндеги мумияны парламенттик комиссия ордуна кайтаруу боюнча сунушун берди. Бул тууралуу маданият, маалымат жана туризм министри Султан Жумагулов Sputnik Кыргызстан агенттигинин кабарчысына билдирди.
Анын айтымында, комиссиянын сунуштамасы комитетте каралат. Ал жактан токтом кабыл алынса өкмөт иштей баштайт.
"Сейрек экспонаттар музейде турушу керек. Дүйнө мамлекеттери мындай баалуу табылгаларды казып таба албай жатса, биздин көөмп салганыбыз туура эмес", — деди Жумагулов.
Жумагуловдун билдиргенине караганда, мумия ордуна кайтарылса окумуштуулар иликтөө иштерин баштоого даяр.
"Көмүлгөн мумия коомдук резонансты жаратып калды. Эгер ал ордуна кайтарылса, окумуштуулар аны изилдөөгө жана аны сактоо үчүн жардам берүүгө даяр", — деп белгиледи министр.
Эске салсак, мумия чырынан кийин маданият министри Түгөлбай Казаков ээлеген кызматынан бошотулуп, анын ордуна Султан Жумагулов дайындалган.
