БИШКЕК, 11-дек. — Sputnik. Black Hat Europe 2017 конференциясында АКШлык enSilo компаниясынын программисттери Windows операциялык системасынын бардык версияларын талкалоого кудурети жеткен жаңы ыкманы көрсөтүштү. Бул тууралуу Bleeping Computer порталына шилтеме берип РИА Новости жазды.
Ошондой эле ал вируска каршы бардык программаларды буйтап өтүүгө жөндөмдүү экени айтылды.
Process Doppelganging деп аталган жаңы ыкманы сыноодон өткөргөн программисттер ал өзүнүн изин калтырбай туруп компьютерди толугу менен талкалап саларын көрүшкөн.
Бирок бул ыкманы каалаган эле адам колдоно албайт. Аны ишке киргизүү үчүн IT технологиялар жаатында терең билим талап кылынат.
