БИШКЕК, 4-дек. — Sputnik. Кыргызстандык мушкер Самат Эмилбеков "Phoenix Fighting Championship" спорттук уюму менен бир жолку беттеш өткөрүүгө келишим түздү. Бул тууралу Sputnik Кыргызстан маалымат агенттигине Бүткүл дүйнөлүк кулатуу эр таймаш федерациясынын вице-президенти, спортчунун машыктыруучусу Эмил Токтогонов билдирди.
Машыктыруучунун айтымынында, Эмилбековдун беттеши 22-ноябрда Бириккен Араб эмирлигиндеги Дубай шаарында өтөт. Ушул эле Phoenix Fighting Championship турниринин алкагында кыргызстандык Антонина Шевченко дагы күч сынашат.
Белгилей кетсек, мушкер Самат Эмилбеков 26-ноябрда "Megdan Fight" спорттук уюмунун версиясы боюнча дүйнө чемпиону аталган.
Спортчулардын рейтингин аныктаган Sherdog порталындагы көрсөткүчү боюнча 10 жолу профессионалдуу беттеште утуп, 3 жолу жеңилүү ызасын тарткан.
