БИШКЕК, 30-ноя. — Sputnik. Чеченстандын президенти Рамзан Кадыров эрежесиз мушташ ММА боюнча белгилүү россиялык мушкер Александр Емельяненко менен спаррингге чыкты. Бул видеону спортчу Instagram баракчасына жайгаштырды.
Емельяненко "Россия-1" телеканалындагы "Наиля Аскер-заде менен чыккан каармандар" берүүсүнөн алынган фрагменттерди жарыялаган.
Спарринг учурунда Емельяненко "Чеченстандын башчысына кол көтөрүүдөн кооптонбойсузбу" деген суроого "спорт баарын теңдеп турат" деп жооп берген.
Ал 2015-жылы зордуктоо айыбы менен 4,5 жылга жазага тартылган. Кийин сот 2 жыл 23 күндүк мөөнөтүн эркиндикте түзөтүү жумуштарына алмаштыруу боюнча чечим чыгарган. Бирок бул чечимге прокуратура нааразычылыгын билдирип, 24-ноябрда ал кайра каралган болчу.
Емельяненко бир нече беттешүүлөрдү өткөрүү үчүн "Ахмат" клубу менен келишимге кол койгон.
Белгилей кетсек, Александр Емельяненко Федор Емельяненконун иниси.
