Казакстандын мамлекеттик "Хабар" телеканалы Кыргызстанда 2010-жылы болгон окуялар тууралуу тартылган тасманы көрсөткөн. Анда Курманбек Бакиев Кыргызстандан эмне кийип турса ошол бойдон чыгып кеткенин, митингге чыккандар керек болсо ич кийимдеринен бери алып кетишкенин билдирген.
"Ал бардык нерсени уурдаган. Эми Кыргызстандан чыгып кетип жатканда эч нерсе алганга үлгүргөн жокмун, керек болчо ич кийимдеримен бери алып кетишиптир деп жатат. Уят деген керек да. Андыктан биз Бакиевге, баласына жана инисине ич кийим менен байпак салынган кутуну жөнөтүп жатабыз. Бул белекти ал тууралуу фильмди көрсөткөн мамлекет өзү жеткирип берсин", — деди активисттердин бири.
Казак элчилигинин кызматкерлери митингчилерге чыккан жок. Акциянын катышуучулары дипөкүлчүлүктүн алдына ич кийимдер салынган эки кутуну таштап кетишти.
