Кыдырбаев: жашыл экономиканы өнүктүрүү үчүн атайын адистерди даярдоо керек
Жашыл экономиканы өнүктүрүү үчүн атайын адистерди даярдоо керек. Бул тууралуу Улук Кыдырбаев Sputnik Кыргызстан радиосуна маек куруп жатып билдирди.
Анын айтымында, GREENTECH EXPO көргөзмөсү жашыл экономиканы өнүктүрүү максатында уюштурулган.
"Кыргызстанда техникалык жабдууларды өндүрүү пландарыбыз бар. Мүмкүнчүлүктөрүбүз деле жок эмес. Анткени бизде техника чыгаруу үчүн сырье жетиштүү. Бирок адистер керек. Жашыл экономиканы өнүктүрүү үчүн тиешелүү адистерди даярдоо зарыл", — деди Кыдырбаев.
Ал табиятка залал тийгизбеген техникаларды чыгаруу учур талабы экендигин кошумчалады.
