БИШКЕК, 27-ноя. – Sputnik. Түркиянын президенти Режеп Тайип Эрдоган америкалык кесиптеши Дональд Трамп менен телефондон сүйлөшүү учурунда Фетхуллах Гүленди берүү маселесин кайра кароого убада бергендигин айтты. Бул тууралуу РИА Новости жазып чыкты.
Эрдогандын "мен Трамптан Гүленди экстрадиция кылууну дагы бир ирет сурандым. Ал карап чыгууга убадасын берди", — деп айтканын Hurriyet басылмасы жазды.
2016-жылдын 16-июлдун түнүндө көтөрүлүшчүлөр Түркияда төңкөрүш жасоого аракет кылган. Негизги каршылыктар Анкара жана Стамбул шаарларында болгон. Көтөрүлүш токтотулганы менен 240 түрк жараны каза таап, 2 миңден ашык адам жаракат алган. Бул аракеттер катуу күч менен басылган. Түркияда аталган окуядан кийин 50 миң киши камакка алынып, мамлекеттик 140 кызматкер ишинен бошотулган.
Түрк бийлиги төңкөрүш аракетине диний аалым Фетхуллах Гүленди күнөөлөп, АКШдан аны экстрадиция кылууну суранган. Ал эми диний аалым өзү көтөрүлүштү сынга алып, ага тиешеси жок экендигин айтып чыккан.
