БИШКЕК, 25-ноя. – Sputnik. Польшанын парламенти жекшемби күнү соода кылууга тыюу салган мыйзам кабыл алды. Бул туурасында РИА Новости жазды.
Чектөө койгон мыйзамга депутаттардын 254ү макул десе, 156сы каршы чыккан.
Жекшембидеги соодага тыюу 2018-жылдын март айынан башталат. Бул күндөн тарта дүкөндөр айдын биринчи жана акыркы дем алыш күндөрү ачык болот. Ал эми 2019-жылдан тарта соода жайлары айдын акыркы жекшембисинде гана иштесе, 2020-жылдан тарта мыйзам толугу менен күчүнө кирмекчи.
Мыйзамда анткен менен уруксат берилүүчү бир нече учурлар бар. Маселен, интернет-дүкөндөр жана май куюучу бекеттеги соода кылуучу жерлер иштей берет. Белоруссиянын гана жашоочулары польша дүкөндөрүнө 100 миллион евро таштай алат.
Мыйзамды жактагандар муну Чыгыш Польшанын чек арасындагы жайлардын соодасынын кыскарышына байланыштырды.
