БИШКЕК, 25-ноя. — Sputnik. Нурсултан Назарбаев казакстандыктардын өмүрүн 80 жашка чейин узартууну тапшырды. Бул тууралуу Sputnik Казакстан маалымат агенттиги билдирди.
Назарбаев өлкөнүн саламаттык сактоо министрин кабыл алып, элди сергек жашоо мүнөзүнө көндүрүү керектигин айтты. Ошол эле учурда элдин басымдуу бөлүгү 80 жаштан кем жашабашы керектигин белгиледи.
"Жарандарды өздөрүнүн ден соолугуна кам көрүүгө үндөш керек. Адамдын ден соолугу медицинадан 10-15 пайыз гана көз каранды. Калганы адамдын өзүнөн", — деди Назарбаев.
Быйыл июнь айында Казакстандын мамлекеттик катчысы Гүлшара Абдыкаликова казакстандыктар орточо эсеп менен 72 жашка чейин жашарын айткан.
