Forbes журналы дүйнөдөгү эң кымбат моделдерди атады

БИШКЕК, 22-ноя. — Sputnik. Forbes журналы быйылкы эң кымбат моделдердин атын атады.

Биринчи орунга быйыл 22 миллион доллар тапкан 22 жаштагы америкалык Кендалл Женнер татыды.

15 жылдан бери алдына эч кимди чыгарбай келген бразилиялык модель Жизель Бюндхен 17,5 миллион доллар таап, экинчи орунду ээлеген.

Үчүнчү орунда 31 жаштагы Крисси Тейген турат. Америкалык модель бир жылда 13,5 миллион доллар тапкан

Төртүнчү орунга 36 жаштагы бразилиялык Адриана Лима татыса (10,5 миллион доллар), америкалык Жиджи Хадид менен британиялык Роузи Хантингтон-Уайтли бешинчи орунду бөлүп алышкан. Эки модель тең 9,5 миллион доллардан киреше тааптыр.

Ошондой эле алдыңкы ондукта Карли Клосс (9 миллион доллар), Лю Вэнь (6,5 миллион доллар), Белла Хадид (6 милллион доллар) plus-size модель Эшли Грэм (5,5 миллионов доллар) бар.

Журналдын аналитиктери алдыңкы ондукка кирген моделдердин 2016-жылдын июнунан 2017-жылдын июнуна чейинки кирешесин эсептеп, алар 109,5 миллион доллар иштеп табышканын аныкташкан.