БИШКЕК, 18-ноя. — Sputnik. Түбү Эфиопиядан болгон канадалык ырчы The Weeknd (Эйбел Тесфайе) эң көп акча тапкан жаш ырчылардын көч башында экенин РИА Новости агенттиги Forbes журналына таянуу менен билдирди.
Ал жыл башынан бери концерт берип отуруп 92 миллион доллар тапкан. Андан сырткары, ырчы Starboy: Legend of the Fall концерттик турдун ар биринен миллион доллардан ашык пайда көргөн.
Үчүнчү орунду британиялык ырчы Адель камсыздады. Ал өз альбомдорун сатуудан, концерт берүүдөн 69 миллион доллар тапкан. 29 жаштагы ырчынын былтыр, 2016-жылы чыгарган "25" аттуу ырлар жыйнагы эң көп сатылган альбом катары таанылган. Ырчы 1,73 миллион экземпляр альбом саткан.
Андан сырткары, эң алдыңкы ондукка АКШнын улуттук баскетбол ассоциациясы менен футбол лигасынын оюнчулары, 27 жаштагы ырчы Тейлор Свифт жана 20 жаштагы модель Кайли Женнер кирген.
Forbes журналынын маалыматына ылайык, эң таанымал 30 атактуунун бир жылдык кирешеси 1,24 миллиард долларды түзөт.
