БИШКЕК, 22-ноя. — Sputnik. Бишкекте бейшемби күнү 30дан ашуун көчөдө жарык болбой турганын "Түндүкэлектр" ишканасы билдирди.
Электр энергиясы саат 9.00дөн 18.00гөчейин трансформатордун бузулушунан улам шаардын борборундагы Сүйүмбаев, Гоголь көчөлөрүндө жана Чүй проспектисинин аталган көчөлөр менен кесилишкен аймагына берилбейт.
Ошондой эле жарык Тоголок Молдо, Орозбеков, Саадаев көчөлөрүндө болбойт. Буга жаңы зым тартуу иштери себеп экени айтылды.
Саат 9.00дөн 18.00гө чейин Ашхабад, Водопроводная жана Жаманбаев көчөлөрү жарыксыз калат. Мындан тышкары, Үмүт, Максат, Чехов, Гастелло, Темиров, Горький, Панфилов көчөлөрүнө көмөк чордондогу ремонттон улам электр энергиясы берилбейт.
Ушул эле маалда Ат-Башы, Мичурин, Фрунзе, Жумабек, Калык Акиев, Махатма Ганди көчөлөрүнүн тургундары жарыкыз калат. Ал эми саат 8.00дөн 17.00гө чейин Жибек Жолу проспектиси, Үмөталиев, Турусбеков жана Жумабек көчөлөрүнүн кесилишкен аймагында электр энергиясы болбойт.
Ремонт иштеринен улам "Келечек" конушундагы 7 жана 11-көчөлөр жана "Көк-Жар" конушундагы Чар, Куйручук көчөлөрү жарыксыз калат.
