БИШКЕК, 22-ноя. — Sputnik. ИИМдин Кайгуул милиция башкы башкармалыгы күн сууктап, жолдор тайгалак болуп жаткандыктан айдоочуларды жайкы дөңгөлөктөрдү кышкыга алмаштыруу керектигин эскертти.
Кыргызгидромет 26-27-ноябрда өлкө аймагында жааган жамгыр карга айланып, күн суук тартарын билдирген.
Кайгуул милиция башкы башкармалыгы аба ырайынын кескин өзгөрүүсү жолдо жүрүүнү кыйындата турганын маалымдады. Себеби, жол жакшы көрүнөбөй, асфальт тайгалак болуп, кырсыктарды шарттайт.
"Айдоочуларды жайкы дөңгөлөктү кышкага алмаштырууга чакырабыз. Ошондой эле автоунааны техникалык кароодон өткөрүп, айдап баратканда өтө этият болууну суранабыз", — деп айтылат маалыматта.
Милиция, андан сырткары, жарандарды атайын жөө адамдар өтө турчу жерден өтүүнү эскертет.
