БИШКЕК, 25-окт. — Sputnik. Ар бир эки жумада бирден кайталанып турган магниттик бороон Жердин үстүңкү катмарында айланып, бир нече айга чейин созулушу мүмкүн. Бул туурасында РИА Новости Илимдер Академиясынын физика институтунун Күн астрономиясынын рентгендик лабораториясынын маалыматына таянып кабарлады.
"Азырынча күндүн шамалынынын конфигурациясы өзгөрбөйт. Ал эми Жер аптасына эки ирет кайталанган магнит бороонунун ыргагында жашап турат", — деп айтылат институттун сайтында.
Маалыматтарда Жердеги геомагниттик бороон 24-27-октябрь арасында байкалып, эгерде беш баллдык шкала менен бааланса, эки баллдан ашпайт. Мындай бороондун саны жылына 60ка чейин болору айтылган. Ал эми келеркиси 6-7-ноябрь арасында кайталанары айтылып, шамалдын агымы октябрдагыга караганда катуурак болорун белгилешти.
