БИШКЕК, 22-окт. — Sputnik. Кыргызстанда автоунаа жана мотоцикл сатуунун көлөмү кыскарды. Бул туурасында Улуттук статистика комитетинин 2017-жылдын январь-сентябрь айындагы өлкөнүн социалдык-экономикалык абалы тууралуу жарыялаган маалыматында жазылган.
Бул аралыкта унаа, мотоцикл, унаа тетик жана башка жабдууларын сатып алуу 6 миллиард 373 миллион сомду түзүп, былтыркы жылга салыштырмалуу 203 миллион сомго көп экени аныкталган.
Ал эми техникалык тейлөө жана оңдоп-түзөө иштерине январь айынан сентябрга чейин 1 миллиард 673,1 миллион сом жумшалса, былтыркы жылдын тогуз айында 1 миллиард 831, 6 миллион сом корогон.
