47деги Чалагыз Исабаев менен 38деги Самара Токтакунова. Таберик сүрөт

Жазылуу
Sputnik Кыргызстан агенттиги архивде сакталып жаткан сейрек сүрөттөрдү жарыялап, тарыхын баяндайт.

Комузда кол ойнотуп кыргыздын музыкасын дүйнөгө тааныткан чыгармачыл инсандардын сүрөтү 1984-жылы Фрунзе шаарында репетиция учурунда тартылып алынган. Анда Чалагыз Исабаев 47, Самара Токтакунова 39, Айша Базарбаева 34 жашта болгон.

Народный артист СССР Самара Токтакунова - Sputnik Кыргызстан
Самара Токтакунова: жоолукту үчүнчү ирет башыман алып салаарда кемпир колдон алды
Анда атактуу талант Чалагыз Исабаев Токтогул Сатылганов атындагы Улуттук филармониянын алдындагы комузчулар ансамблин жетектеген учуру эле.

Ортодо — комузчулар ансамблдин жетекчиси Кыргыз Республикасынын маданиятына эмгек сиңирген ишмер Чалагыз Исабаев, оң жагында анын колуктусу СССРдин Эл артисти Самара Токтакунова, сол жагында Кыргыз Республикасынын Эмгек сиңирген артисти, комузчу Айша Базарбаева.

Ошол мезгилде ансамбль Франция, Канада, Япония, Сирия, Финляндия, Монголия, Америка, Түркия жана союздук республикалардын бир топ шаарларында концерт койгон. 12 адамдан турган чыгармачыл топ ошол концертте Токтогул, Атай Огомбаев, Карамолдо Орозов, Ыбырай Тумановдун күүлөрүн дүйнөнүн булуң-бурчуна тааныткан.

Жаңылыктар түрмөгү
0