БИШКЕК, 15-окт. — Sputnik. Президент Алмазбек Атамбаев мумияны Баткенге көмүү чоң катачылык болгонун билдирди.
Президент мумия көмүлдү деген мааламатты укканда нааразы болгонун жашырган жок.
"Мусулманчылыктын атын жамынгандар кээде көп нерсени унутуп калат. Мухаммед пайгамбар бир хадисте "илимге корогон бир саат, намазды түнү менен окуганга барабар" деп айткан. Ал эми азыр калп эле өзүн мусулманмын дегендер ар кайсы көзү ачыктарга ишенип жатат. Кандайча бул иштин болуп кеткенин билбейм, бирок мен жеке өзүм нааразы болуп калдым. Бул туура эмес. Эми өткөн иш өттү. Буга жоопкерчиликтүү адамдар болуш керек", — деди мамлекет башчы.
Бул боюнча учурда коомчулукта да ар кыл пикирлер айтылууда. Бир катар жарандар мумияны окумуштуулар иликтеши керек болучу деп ойлорун билдиришти.
