БИШКЕК, 6-окт — Sputnik. Борбор калаанын Тынчтык проспектисинде таңкы саат 4:00 чамасында Lexus унаасын катуу ылдамдык менен айдап бара жаткан кыз түркүктү сүздү. Бул туурасында окуяга күбө болгон киши Sputnik Кыргызстан агенттигине билдирди.
© © видео очевидца, отправленное по Whats App-каналу
Анын маалымдашына караганда, кыз жолдун каршы тилкеси менен бара жаткан. Рулду башкара албай калып, Lexus RX 300 күү менен келип, жолдун четиндеги тосмого тийген.
Тартып алынган видеодо автоунаанын алдыңкы бөлүгү жараксыз болуп калганын көрүүгө болот.
Кайгуул милициясынан кыз тирүү экендигин жана учурда шаардагы Бишкек шаардык травматология жана ортопедия илим изилдөө борборуна жаткырылгандыгын билдиришти.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
