Исаков бүгүнкү күндө кыргыз-орус мамилелери өнүгүүнүн сапаттык жаңы учуруна келгенин, бул эки мамлекеттин күч-аракети менен ишке ашып жатканын билдирди.
Аны менен бирге Исаков Россия өкмөтүнүн төрагасынын эки тараптуу кызматташтыкка кошкон салымы зор экенин баса белгиледи.
"Бүгүн биздин мамилебиз чынында эле стратегиялык союздаш экендигин ишенимдүү айта алам. Биз эки тараптуу мамилелердин келечегине өзгөчө маани беребиз", – деди Исаков.
Ал ошондой эле президент Аламазбек Атамбаевдин саламын да жолдоду.
"Биздин мамлекеттер жакын өнөктөштөр жана союздаштар. Ортодо чыныгы достук мамиле бар. Буга карабастан ар дайым эки тараптуу мамилелердин өнүгүшүн байкап туруу өтө маанилүү" — деди Медведев.
Мындан сырткары, Исаков менен Медведев 2017-жылдын июнь айында Алмазбек Атамбаевдин Россияга болгон мамлекеттик сапарынын алкагында жетишилген келишимдерди ишке ашыруу багытында да сүйлөштү.
