Мэрия Киев менен Орозбеков көчөлөрүнүн кесилишиндеги Башкы прокуратуранын мурунку имаратын оңдоп-түзөө боюнча тендерди жокко чыгарды. Бул тууралуу Sputnik Кыргызстан агенттигине Капиталдык курулуш башкармалыгы билдирди. Шаар бийлигинин мындай чечимине температуранын өзгөрүп турушу менен жаан-чачын имараттын 70-80 пайызын жараксыз абалга алып келди деген сейсмологдордун айтканы таасир эткен.
Башкармалыктын жетекчисинин орун басары Койчогул Ибраимовдун айтымында, имаратты түрттүрүү керек. Бирок шаардык муниципалитет мындай кадамга бара элек.
Эскерте кетсек, имарат 2010-жылдын 7-апрелинде өрттөнүп кеткен.
