БИШКЕК, 25-сен. — Sputnik. Бишкектин Абдрахманов көчөсү менен Манас проспектисинин четиндеги имараттардын маңдайкы бетин жаңылоо пландалууда. Бул тууралуу шаардык мэриядан маалымдашты.
Муниципиалдык ишкана жетекчисинин орун басары Болот Усубалиев имараттардын сырткы көрүнүшүн жасалгалоочу таштын кени Россия, Германия, Италия, Түркия жана Кыргызстандын түштүгүндө бар экенин белгилеген.
"Бул боюнча таш иштетүү ассоциациясынын өкүлдөрү пайдалуу келишимдерди сунуштады. Алар таш материалдар менен каптоо бир чети үнөмдүү, экинчи жагынан узак мөөнөткө чыдамдуу болот. Ар эки-үч жылда алмаштырууга негиз жок", — деп айтылат маалыматта.
Долбоорду ишке ашыруу үчүн "Бишкекбашкыархитектура" техникалык-экономикалык негиздемени эске алуу менен аталган маселени иштеп чыгышы керек.
