Эргешов: кыргыз-өзбек чек арасы боюнча макулдашуу биринчи окууда жактырылды
Жогорку Кеңеш кыргыз-өзбек чек арасы боюнча макулдашуусун биринчи окууда жактырды. Бул тууралуу "Кыргызстан" фракциясынын депутаты Алмаз Эргешов Sputnik Кыргызстан радиосуна билдирди.
Эске сала кетсек, маселе жабык эшик артында каралган.
"Жогорку Кеңеш аталган маселени жабык эшик артында карап, жыйынга премьер-министр Сапар Исаков баштаган өкмөттүн тиешелүү министрликтери менен мекемелердин жетекчилери катышты. Натыйжада мыйзам долбоору 1-окууда кабыл алынды", — деди Эргешов.
Белгилей кетсек, өзбек президенти Шавкат Мирзиёев 5-6-сентябрда Бишкекке мамлекеттик иш сапары менен келип, анда эки тараптуу бир нече документтерге кол коюлган. Негизги маселе катары кыргыз-өзбек мамлекеттик чек арасы боюнча жетишилген макулдашуу болгон.
