БИШКЕК, 17-cен. — Sputnik. 2026-жылы боло турчу кышкы Олимпиада оюндары кайсы өлкөдө өтөрү Миланда боло турчу Дүйнөлүк олимпиадалык комитеттин (ДОК) жыйынында аныкталат. Бул тууралуу Р-Спорт агенттиги жазып чыкты.
Азырынча кышкы Олимпиада оюндарын өткөрүүгө Австрия, Швейцария, Норвегия жана Канада арыз берген.
Буга чейин ДОКтун 2019-жылга пландалган 134-жыйыны кайда өтөрү белгисиз болуп келген. Өткөн аптадагы 131-жыйында 2026-жылкы кышкы Олимпиаданын тагдырын чечкен чогулуш Миланда болору айтылды. Ал эми 132-133-жыйындары кийинки жылы Түштүк Корея менен Аргентинада өтөт.
Эске сала кетсек, 2014-жылкы кышкы Олимпиада оюндары Россиянын Сочи шаарында өткөн. 2018-жылкы оюндар Түштүк Кореянын Пхенчхан шаарында болору пландалууда. Ал эми 2022-жылкы кышкы Олимпиада Кытайдын борбору Пекинде өтөт.
