Исаков: Мирзиёев Кыргызстанга жакшы жаңылык алып келди
Шавкат Мирзиеев Кыргызстанга жакшы жаңылык алып келди. Бул тууралуу премьер-министр Сапар Исаков өзбек президенти Шавкат Мирзиёев менен жолугушуу учурунда билдирди.
5-6-сентябрдагы мамлекеттик иш сапардын алкагында Өзбекстандын президенти Шавкат Мирзиёев Бишкекте болмокчу.
"Кыргыздын ак сакалдары сизге батасын берип жатат, Шавкат Миромонович. Иш сапар үчүн ыраазычылыгыбызды билдиребиз. Кыргызстандан көрүп жатканыбызга кубанычтабыз. Сөздүн ачыгы 17 жылдан бери мамиле түзүлбөй келген. Аракеттер болгон, бирок азыркыдай эмес болчу. Андыктан сиз кыргызга жакшы жаңылык алып келген адам болуп саналасыз", — деди Исаков.
Белгилей кетсек, кечээ өзбек президенти менен Алмазбек Атамбаев жолугуп, бир топ маанилүү документтерге кол коюлган.
