БИШКЕК, 30-авг. — Sputnik. "Ювентус" клубунун чабуулчусу Марио Манджукичтин "Реалдын" дарбазасына киргизген голу футбол күйөрмандары тарабынан өткөн сезондун мыкты тобу деп табылды. Бул тууралуу УЕФА расмий сайтына жарыялады.
How good was this?@MarioMandzukic9 ⚽️👉 https://t.co/tg1GC1OB23 #GoalOfTheSeason pic.twitter.com/hmFgocDFMu
— #UCL (@ChampionsLeague) 10 августа 2017 г.
Эске сала кетсек, "Ювентус" клубу менен "Реал" өткөн сезондун финалында беттешип, Манджукич оюндун 27-мүнөтүндө өзгөчө гол киргизген.
Чабуулчунун соккусунан кийин эсеп 1:1 болгон. Бирок көп өтпөй "Реал" катуу чабуулга өтүп, беттеш 1:4 менен испандык клубдун пайдасына чечилген.
"Футбол күйөрмандарынын арасында добуш берүү жүрүп, Манджукичтин голу эң көп упай топтогон. Экинчи орунду Мусса Соунун голу, үчүнчү орунду Каземиронун тобу ээлеген", — деп жазылат маалыматта.
Белгилей кетсек, Манджукичтин соккусу УЕФА тарабынан да өткөн сезондун мыкты голу деп тандалган.
