БИШКЕК, 25-авг. — Sputnik. Жогорку Кеңеш Сапар Исаковдун өкмөт башчылыкка талапкерлигин жактырды.
Белгилей кетсек, бүгүн парламент Сапар Исаковдун программасы менен таанышып, өкмөттүн жаңы курамы тууралуу маалыматын укту.
Жыйындын жүрүшүндө депутаттар Сапар Исаковго суроолорду берип, сын пикирлерин айтышты. Ал эми өкмөт башчылыкка талапкер өзүнүн программасын баяндап, суроолорго жооп берди.
"Жаңы доорго кырк кадам" аталышындагы программабыз элдин жашоосун жакшыртууга багытталган. Элге жеткиликтүү болушу үчүн жөнөкөй кылып жаздык. Биздин программа туруктуу өнүгүү стратегиясына шайкеш келет", — деди Исаков.
Эске салсак, мурунку өкмөт башчы Сооронбай Жээнбеков президенттикке аттанып жаткандыктан ордун бошотуп берген. КСДП фракциясы бул кызматка Сапар Исаковду сунуштаган.
Өкмөттүн жаңы курамы менен Sputnik Кыргызстан агенттигинин материалынан тааныша аласыздар>>
