БИШКЕК, 24-авг. — Sputnik. Өкмөттүн жаңы курамы сунушталды. Бул тууралуу КСДП фракциясынын депутаты Улан Примов Sputnik Кыргызстан агенттигине билдирди.
Эске сала кетсек, президенттикке аттанган Сооронбай Жээнбеков отставкага кетип, КСДП өкмөт башчылыкка Сапар Исаковду сунуштап жатат.
"Исаков берген тизме боюнча биринчи вице-премьерликке Толкунбек Абдыгулов, Коргоо жана коопсуздук боюнча вицеликке Темир Жумакадыров, Экономкалык маселелер боюнча вице-премьерликке Дүйшөнбек Зилалиев, Экономика министрлигине Артем Новиков сунушталып жатат", — деди Примов.
Ал жаңы өкмөттүн курамы жаштар менен толукталып жатканын кошумчалады.
"Өкмөттүн аппарат жетекчиси Акылбек Осмоналиевдин ордуна Нурханбек Момуналиевдин, Дүйшөнбек Зилалиевдин ордуна Улан Рыскуловдин бараары айтылды. Ал эми Маалыматтык технологиялар жана байланыш мамлекеттик комитетинин жетекчилигине Нурбек Абасканов сунушталууда", — деди Бекешев.
Анын айтымында, КСДП фракциясы сунушталган талапкердин баарын жактырды.
