Нажимудинов: Бишкекте интеллектуалдык менчикти коргоо боюнча эл аралык форум өтөт
Бишкекте интеллектуалдык менчикти коргоо боюнча эл аралык форум өтөт. Бул тууралуу Кыргызпатенттин инспекторлук бөлүмүнүн башчысы Аскар Нажимудинов Sputnik Кыргызстан радиосуна маек куруп жатып билдирди.
Анын айтымында, эл аралык форум ушуну менен бешинчи ирет өтүп жатат. Буга чейин ЕАЭБдин башка өлкөлөрүндө өтүп келген.
"Үстүбүздөгү жылдын 14-16-сентябрь күндөрү борбор калаабызда эл аралык "Антиконтрафакт — 2017" форуму өтөт. Иш-чарага ЕАЭБге мүчө мамлекеттерден келген адистер катышат. Анда интеллектуалдык менчикти коргоо боюнча көйгөйлүү маселелер талкууга алынып, аны чечүү жолдору талкууланат", — деди Нажимудинов.
Ал каалаган жаран аталган форумга катышып, интеллектуалдык менчикти коргоодогу сунуштарын айтса болоорун кошумчалады.
