БИШКЕК, 25-авг. — Sputnik. Ак илбирстер байырлаган аймактардын экисистемасын сактоо менен бул жерлерге туристтерди тартууга болорун БУУнун Айлана-чөйрөнү коргоо программасынын аткаруучу директору Эрик Солхейм эл аралык форумда билдирди.
Белгилей кетсек, ушул күндөрү Бишкекте ак илбирс менен ал байырлаган аймактардын экосистемасын сактоо боюнча эл аралык форум өтүүдө. Ага сейрек кездешкен жаныбарлар байырлаган 12 мамлекеттин өкүлдөрү катышууда. 24-августта башталган иш-чара бүгүн аяктайт.
"Бардыгыбыз Кытайдан үлгү алышыбыз керек. Алар панданы сактоонун илимий жагын ойлоп табышкан. Азыр бул жаныбарлар Кытайдын символу. Дагы айта турган болсок, Руанда мамлекети горилланын сейрек түрүн сактоо боюнча кылган аракетинин арты менен жылына миллион долларга чейин киреше табат. Туристтер аларды көрүү үчүн атайы барышат. Ак илбирстерди да ушундай ыкма менен сакташ керек. Аны көргүсү келгендердин саны аябай көп", — деди Солхейм.
Андыктан форумда кабыл алына турчу декларация илбирс байырлаган мамлекеттер үчүн маанилүү экенин баса белгиледи.
Ак илбирс тууралуу кененирээк Sputnik Кыргызстан агенттигинин материалынан таанышыңыз>>
