Мусаев: ак илбирсти көбөйтүү үчүн комплекстүү аракеттер көрүлүүдө
Ак илбирсти көбөйтүү үчүн комплекстүү аракеттер көрүлүүдө. Бул тууралуу Жаратылыш ресурстарын коргоо жана пайдалануу департаментинин директору Алмаз Мусаев Sputnik Кыргызстан радиосуна маек куруп жатып билдирди.
Белгилей кетсек, 24-25-август күндөрү Кыргызстанда ак илбирсти коргоо боюнча эл аралык форум өтөт.
"Ак илбирсти коргоо үчүн мыйзамдарга өзгөртүүлөрдү киргизүү, өзгөчө корголуучу аймактарды көбөйтүү жана ак илбирске тоют болчу жаныбарды сактоо аракеттери көрүлүүдө. Мындан сырткары, аңчылыкты чектөө аракеттери болууда", — деди Мусаев.
Ал ак илбирсти коргоо үчүн жергиликтүү тургундар арасында түшүндүрүү иштерин жүргүзүү керек экендигин кошумчалады.
