БИШКЕК, 13-авг. — Sputnik. Голливуд актрисасы Меган Фокс өзүнүн Instagram баракчасы аркылуу Save snow leopards (Ак илбирсти сактагыла) петициясына кол коюуга чакырды.
Эске салсак, 23-25-август күндөрү Бишкек шаарында ак илбирсти сактоо боюнча эл аралык ири форум өтөт.
Ага ак илбирс мекендеген 12 мамлекеттин жетекчилери келээри күтүлүүдө.
"Биз алардын байырлаган жерине залака келтирүү менен бул жаныбарлардын кескин азайышына себеп болуп жатабыз. Аларды сактап калуу боюнча петицияга кол койгула. Баарыбыз биргеликте ак илбирстер мекендеген өлкөлөрдүн лидерлерин аларды сактап калууга чакыралы", — деди актриса.
Мурдарак Голливуддун дагы бир актеру Леонардо Ди Каприо ак илбирсти коргоо боюнча эл аралык форумга чогула турган 12 мамлекеттин башчыларын Save snow leopards (Ак илбирсти сактагыла) петициясына кол коюуга чакырган.
