БИШКЕК, 11-авг. — Sputnik. Мамлекеттик салык кызматы автоунаа, турак жай жана жердин салыгын 1-2-сентябрга чейин төлөө керектигин эскертет.
"Убакытты салык органдарында, банк кассаларында коротпостон, алдын ала, тынч жана ашыкча кыжаалат болбой салыктык милдеттенмелерин аткаруу үчүн жарандарда дагы үч жума бар", — деп айтылат маалыматта.
Салыктарды банктын кассаларында, почта бөлүмүндө, ошондой эле төлөм терминалдары, мобилдик жана интернет банкинг аркылуу төлөөгө болот.
Транспорттун салыгын 1-сентябрга чейин, турак жай менен жердин салыгын 2-сентябрга чейин төлөө керек.
Салыкты өз учурунда төлөбөгөндөргө эми миң сом административдик айып салынат. Мындан тышкары, мөөнөтү өтүп кеткен салык төлөмүнүн ар бир күнү үчүн туум кошуп эсептелет.
