БИШКЕК, 11-авг. — Sputnik. Ишемби, 12-август күнү республиканын аймагында жаан жаап, күн күркүрөй турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Чүй менен Таласта 21…26 градус жылуу болот. Ош, Жалал-Абад жана Баткен облустарында күндүн табы 24…29 градуска жетет. Ысык-Көл менен Нарында 18…23 градус жылуу болушу күтүлүп жатат.
Бишкекте 24…26 градус жылуу болсо, Ош шаарында андан 3 градуска жылуу болот.
