БИШКЕК, 10-авг. — Sputnik. Мэрия аз камсыз болгон үй-бүлөлөргө кышка даярдык көрүүгө жардам бере баштады. Бул тууралуу муниципалитеттин маалымат кызматы кабарлады.
Билдирүүгө караганда, бул жолу Свердлов районунда жашаган 1200 үй-бүлөгө 2017-2018-жылдын эсебинен акысыз көмүр таратылат.
"Ар бир үй-бүлөгө 1,5 тоннадан көмүр берүү каралууда. Ал эми 1 тонна көмүрдүн баасы 2580 сомго бааланып жатат. Көмүр ала турган үй-бүлөлөрдүн тизмеси социалдык өнүктүрүү башкармалыгы тарабынан берилет", — деп жазылат маалыматта.
Ал эми тизмедеги 200 майып жана жалгыз бой пенсионерлерге көмүр үйлөрүнө чейин райондун эсебинен жеткирилет.
